കോടിയേരി ബാലകൃഷ്ണന്റെ മകൻ ബിനീഷ് കോടിയേരിയും  പി സി ജോർജിന്റെ മകൻ ഷോൺ ജോർജും മുൻ തെരഞ്ഞെടുപ്പ് കമ്മിഷണർ എൻ മോഹൻദാസിന്റെ മകൻ നിനു മോഹൻദാസും  അഭിഭാഷക രംഗത്തേക്ക്. ഷോണും നിനുവും ബിനീഷിന്റെ സഹപാഠികളാണ്.മൂവരും ഹൈക്കോടതിയോടുചേർന്നുള്ള കെഎച്ച്‌സിസിഎ കോംപ്ലക്‌സിൽ ഞയാറാഴ്ച ഓഫിസ് തുറക്കുമെന്നാണ് സൂചന. കെട്ടിടത്തിലെ 651ാം നമ്പർ മുറിയിലാണ് ഓഫിസ് പ്രവർത്തനം. ഉദ്ഘാടന ചടങ്ങിൽ പി സി ജോർജും മോഹൻദാസും പങ്കെടുക്കും. കോടിയേരി ബാലകൃഷ്ണൻ പങ്കെടുത്തേക്കില്ല.2006ലാണ് നിനുവും ഷോണും ബിനീഷും എന്റോൾ ചെയ്തത്. ശേഷം ഷോൺ ജോർജ് രണ്ടുവർഷം അഭിഭാഷകനായി പ്രാക്ടീസ് ചെയ്തിരുന്നു. ലഹരിക്കടത്തുമായി ബന്ധപ്പെട്ട് കള്ളപ്പണ ഇടപാടിൽ ജയിലിൽ കഴിഞ്ഞിരുന്ന ബിനീഷ് കോടിയേരി ഒരു വർഷത്തിനുശേഷം കഴിഞ്ഞ ഒക്ടോബറിലാണ് ജാമ്യം ലഭിച്ച് പുറത്തിറങ്ങിയത്.