നിയമസഭാ കയ്യാങ്കളി കേസിൽ റിവ്യൂ ഹർജിയുമായി പ്രതികൾ ഹൈക്കോടതിയിൽ. കയ്യാങ്കളി കേസ് റദ്ദാക്കണമെന്ന ആവശ്യം തള്ളിയതിനെതിരെയാണ് റിവ്യൂ ഹർജി. വി.ശിവൻകുട്ടി ഉൾപ്പെടെയുള്ള പ്രതികളാണ് കോടതിയെ സമീപിച്ചത്. വിചാരണാ നടപടികൾ സ്റ്റേ ചെയ്യണമെന്ന് ഹർജിയിൽ പ്രതികൾ ആവശ്യപ്പെട്ടു. നേരത്തെ ഡിസ്ചാർജ്ജിംഗ് പെറ്റീഷൻ കീഴ്‌ക്കോടതി തള്ളിയിരുന്നു. നിയമസഭയിൽ നടന്നത് സാധാരണ പ്രതിഷേധമാണെന്ന് ഹർജിയിൽ പ്രതികൾ പറയുന്നു. തങ്ങൾക്കെതിരായ കുറ്റപത്രത്തിലെ കണ്ടെത്തലുകൾ തെറ്റെന്നും പ്രതികൾ ചൂണ്ടിക്കാട്ടി. കേസിൽ ഹൈക്കോടതി സർക്കാരിന്റെ നിലപാട് തേടിയിട്ടുണ്ട്.