ചായക്കട നടത്തി ലഭിക്കുന്ന വരുമാനം കൊണ്ട് ഭാര്യയുമായി ലോകം ചുറ്റി പ്രശസ്തനായ കൊച്ചി കടവന്ത്ര സ്വദേശി വിജയൻ അന്തരിച്ചു. 76 വയസായിരുന്നു വിജയന്. ഹൃദയാഘാതത്തെ തുടർന്നായിരുന്ന് വീട്ടിൽ കുഴഞ്ഞുവീഴുകയായിരുന്നുവെന്നാണ് വിവരം.  ഭാര്യ മോഹനയ്ക്കൊപ്പം 26 രാജ്യങ്ങളാണ് വിജയൻ 16 വർഷം കൊണ്ട് സഞ്ചരിച്ചത്. 2007 ലായിരുന്നു ആദ്യവിദേശയാത്ര. ഈജിപ്തിലേക്കായിരുന്നു ആദ്യ സന്ദർശനം. അവസാനമായി യാത്ര ചെയ്തത് റഷ്യയിലേക്കും. റഷ്യൻ സന്ദർശനത്തിന് മുൻപായി മന്ത്രി മുഹമ്മദ് റിയാസ് ഇവരുടെ ഹോട്ടൽ സന്ദർശിച്ചിരുന്നു.  മാമു, മായി എന്നിങ്ങനെയാണ് ഇവരെ വിശേഷിപ്പിച്ചിരുന്നത്. എറണാകുളത്ത് ശ്രീ ബാലാജി കോഫി ഹൗസ് നടത്തിയിരുന്ന ഇദ്ദേഹം ബാലാജി എന്നാണ് അറിയപ്പെട്ടിരുന്നത്.