കാസർകോട് ഗവ:കോളജ് പ്രിൻസിപ്പൽ വിദ്യാർഥിയെ കൊണ്ട് കാല് പിടിപ്പിച്ചതായി പരാതി. രണ്ടാം വർഷ ബിരുദ വിദ്യാർഥിയെക്കൊണ്ട് മൂന്ന് തവണ കാല് പിടിപ്പിച്ചുവെന്നാണ് എം.എസ്.എഫിൻറെ പരാതി. ഇത് സംബന്ധിച്ച ഫോട്ടോയും എംഎസ്എഫ് പുറത്തുവിട്ടു.വിദ്യാർഥിക്കെതിരെ നിരവധി പരാതികൾ ഉണ്ടെന്നും കോളജിൽ നിന്ന് പുറത്താക്കാതിരിക്കണമെങ്കിൽ കാല് പിടിക്കണമെന്നും പ്രിൻസിപ്പൽ (ഇൻ ചാർജ് ) എം. രമ നിർദേശിക്കുകയായിരുന്നുവെന്ന് എം.എസ്.എഫ് സംസ്ഥാന പ്രസിഡൻറ് പി.കെ. നവാസ് പറഞ്ഞു. വിഷയത്തിൽ വിദ്യാർഥി മുഖ്യമന്ത്രിക്കും ഡിജിപിക്കും പരാതി നൽകിയിട്ടുണ്ട്. സി.സി.ടി.വി ദൃശ്യങ്ങൾ പരിശോധിക്കണമെന്നും എംഎസ്എഫ് ആവശ്യപ്പെട്ടു.