കരുവന്നൂർ ബാങ്ക് തട്ടിപ്പ് കേസിൽ ഇനിയും പിടികൂടാനുള്ള പ്രതിയുടെ മകളുടെ വിവാഹത്തിൽ പങ്കെടുത്തതോടെ  മന്ത്രി ഡോ. ആർ ബിന്ദു വിവാദ നായിക ആകുന്നു. കഴിഞ്ഞ മാസം 24 ന് ഇരിങ്ങാലക്കുടയിൽ വച്ചായിരുന്നു ബാങ്ക് തട്ടിപ്പ് കേസിലെ പ്രതികളിലൊരാളായ അമ്പിളി മഹേഷിന്റെ  മകളുടെ വിവാഹം.തട്ടിപ്പ് കേസിൽ ഒളിവിൽ കഴിയുന്ന പ്രതിയാണ് അമ്പിളി മഹേഷ്.തട്ടിപ്പിൽ ഉൾപ്പെട്ട പാർട്ടി അംഗങ്ങളായ ബാങ്കിലെ ചില മുൻ ഉദ്യോഗസ്ഥർക്ക് എതിരെ സിപിഐഎം നടപടി എടുക്കുകയും ചെയ്തിട്ടുണ്ട്. ​എന്നാൽ വിഷയത്തില്‍ കാര്യമായ പ്രതികരണം നടത്താന്‍ മന്ത്രി ഇതുവരെ തയ്യാറായിട്ടില്ല. മന്ത്രി പ്രതിനിധീകരിക്കുന്ന ഇരിങ്ങാലക്കുട മണ്ഡലത്തിലാണ് കരുവന്നൂർ ബാങ്ക് തട്ടിപ്പ് നടന്നത്.