സംസ്ഥാനത്ത് പുതിയതായി 175 മദ്യശാലകൾ കൂടി തുടങ്ങുന്ന കാര്യം പരി​ഗണനയിലാണെന്ന് സർക്കാർ കോടതിയിൽ.വാക്-ഇൻ മദ്യശാലകൾ തുടങ്ങണമെന്ന ഹൈക്കോടതി നിർദേശവും പരിഗണനയിലാണെന്നും  കോടതിയെ അറിയിച്ചു. ഇതിനിടയിൽ  മദ്യക്കടകൾ സമീപവാസികൾക്ക് ശല്യമാകരുതെന്ന് ഹൈക്കോടതി നിർദേശിച്ചു. സംസ്ഥാനത്ത് 175 മദ്യശാലകൾകൂടി തുടങ്ങാൻ അനുമതി ആവശ്യപ്പെട്ടാണ് ബെവ്‌കോ സർക്കാരിനെ സമീപിച്ചത്. ഈ അപേക്ഷ എക്‌സൈസ് വകുപ്പിന്റെ മുന്നിലുണ്ടെന്നാണ് സംസ്ഥാന സർക്കാർ ഹൈക്കോടതിയിൽ വ്യക്തമാക്കിയത്. 

അതിനിടെ, വോക്-ഇൻ കൗണ്ടറുകളിലൂടെ അടക്കം മദ്യം വിൽക്കുന്നത് പരിഗണിക്കണമെന്ന് നേരത്തെ ഹൈക്കോടതി നിർദേശിച്ചിരുന്നു. കോടതിയുടെ ഈ നിർദേശവും പരിഗണനയിലുണ്ടെന്ന് സർക്കാർ ഹൈക്കോടതിയെ അറിയിച്ചു.