ഇന്ധന വില വർധനവിനെതിരെ സമരം ചെയ്ത കോൺ​ഗ്രസിനെതിരെ പ്രതികരിച്ച നടൻ ജോജുവിന്റെ കാർ തകർത്ത കേസിലെ  പ്രതികൾ ഇന്ന് കീഴടങ്ങും. പാർട്ടി നിർദേശപ്രകാരമാണ് കീഴടങ്ങൽ. മുൻ കൊച്ചി മേയർ ടോണി ചമ്മണി ഉൾപ്പടെയുള്ള കോൺഗ്രസ് നേതാക്കളാണ് കീഴടങ്ങുക. കോണ്‍ഗ്രസ് സംഘടിപ്പിച്ചിരിക്കുന്ന ചക്രസ്തംഭന സമരത്തിന് പിന്നാലെ കീഴടങ്ങുമെന്നാണ് വിവരം. സംഭവം ഒത്തുതീര്‍ക്കാന്‍ ജോജുവിന്‍റെ സുഹൃത്തുക്കള്‍ വഴി കോണ്‍ഗ്രസ് നേതാക്കള്‍ ശ്രമിച്ചിരുന്നു.എന്നാൽ ജോജു കേസില്‍ കക്ഷി ചേര്‍ന്നു. ഇതോടെ സമവായ സാധ്യത അടയുകയായിരുന്നു.