മുല്ലപ്പെരിയാർ ഡാമിലെ ജലനിരപ്പ് 138 അടിയിലേക്ക് നീങ്ങുന്നു. ഇന്ന് പുലർച്ചയോടെയുള്ള ജലനിരപ്പ് 137.60 അടിക്ക് മുകളിലാണ്. ജലനിരപ്പ് ഉയരുന്ന സാഹചര്യത്തിൽ ഇടുക്കി ജില്ല കലക്ടറുടെ അധ്യക്ഷതയിലുള്ള സംഘം ഇന്ന് യോഗം ചേർന്ന് സ്ഥിതിഗതി വിലയിരുത്തും. രാവിലെ 11ന് വണ്ടിപ്പെരിയാറിലാണ് യോഗം.

പെരിയാറിൻറെ തീരത്ത് ശക്തമായ മഴ തുടരുന്നത് ആശങ്ക വർധിപ്പിക്കുകയാണ്. അതേസമയം സ്ഥിതിഗതികൾ വിലയിരുത്താനുള്ള ഉന്നത അധികാര സമിതി ഇന്ന് വൈകിട്ട് ഡൽഹിയിൽ ചേരും. സുപ്രിം കോടതി നിയോഗിച്ച സമിതിയാണിത്.