‍പ്രധാനമന്ത്രി നരേന്ദ്ര മോദി ഇന്ന് രാവിലെ 10 മണിക്ക് രാജ്യത്തെ അഭിസംബോധന ചെയ്യുന്നു. പ്രധാനമന്ത്രിയുടെ ഓഫീസാണ് ട്വിറ്ററിലൂടെ ഇക്കാര്യം അറിയിച്ചത്.  ഏത് വിഷയത്തിലാണ് പ്രധാനമന്ത്രി രാജ്യത്തെ അഭിസംബോധന ചെയ്യുക എന്ന് വ്യക്തമാക്കിയിട്ടില്ല. കോവിഡ് വാക്സിനേഷനിൽ നൂറുകോടി പിന്നിട്ട പശ്ചാത്തലത്തിലാണ് അഭിസംബോധന. രാജ്യത്തെ ശാസ്ത്ര, സംരംഭക രംഗങ്ങളുടെയും 130 കോടി ജനങ്ങളുടെയും മഹാവിജയമാണിതെന്ന് കഴിഞ്ഞ ദിവസം വാക്‌സിൻ എടുത്തവരുടെ എണ്ണം 100 കോടി പിന്നിട്ടപ്പോൾ പ്രധാനമന്ത്രി പറഞ്ഞിരുന്നു.