ബെവ്കോയെ വീണ്ടും വിമർശിച്ച് ഹൈക്കോടതി. ബെവ്കോ ഔട്‌ലറ്റുകളിലെ പരിഷ്‌കാരങ്ങൾ ഒരു കാലിലെ മന്ത് എടുത്ത് അടുത്ത കാലിൽ വെച്ചത് പോലെയാണെന്നും ഹൈക്കോടതി പറഞ്ഞു. ബെവ്‌കോയിൽ ക്യൂ ഒഴിവാക്കണം. ആരും വീടിന് മുന്നിൽ ബെവ്കോ ഔട്‌ലറ്റുകൾ വരാൻ ആഗ്രഹിക്കുന്നില്ല. നയപരമായ മാറ്റം ആവശ്യമാണെന്നും കോടതി പറഞ്ഞു. മറ്റുകടകളിൽ എന്നപോലെ കയറാനും ഇറങ്ങാനുമുള്ള സൗകര്യം ബെവ്കോയിൽ വേണം. ക്യൂ നിൽക്കേണ്ട അവസ്ഥ ഉണ്ടാക്കരുതെന്നും കോടതി നിർദേശിച്ചു.