കേരളത്തിൽ പ്രളയം തുടർക്കഥയാകുമ്പോൾ മാധവ് ഗാഡ്‌ഗിൽ കമ്മിറ്റി റിപ്പോർട്ട് വീണ്ടും ചർച്ചയാവുകയാണ്. 2011 ൽ പരിസ്ഥിതി ശാസ്‌ത്രജ്ഞൻ മാധവ്‌ ഗാഡ്‌ഗിലിൻറെ നേതൃത്വത്തിലുള്ള കമ്മിറ്റി നടത്തിയ പഠനത്തിൽ കേരളത്തെ സംരക്ഷിച്ചു നിർത്തുന്ന പശ്ചിമ ഘട്ടത്തിൻറെ 67 ശതമാനം പ്രദേശം പരിസ്ഥിതി ലോല പ്രദേശമായി പ്രഖ്യാപിക്കണമെന്ന് വ്യക്തമാക്കിയിരുന്നു.എന്നാൽ റിപ്പോർട്ട് സമർപ്പിച്ച് ഒരു പതിറ്റാണ്ട് തികയുമ്പോഴും റിപ്പോർട്ടിൽ പറയുന്ന നിർദേശങ്ങൾ നടപ്പിലാക്കത്തതാണ് കേരളം ഇന്ന് നേരിടുന്ന കാലാവസ്ഥ സാഹചര്യത്തിന് കാരണമെന്ന് മുൻ കേന്ദ്ര പരിസ്ഥിതി മന്ത്രിയും കോൺഗ്രസ് നേതാവുമായ ജയ്‌റാം രമേശ്‌ ആരോപിച്ചു. കഴിഞ്ഞ ദിവസം പെയ്‌ത ശക്തമായ മഴയിൽ കോട്ടയത്തും ഇടുക്കിയിലുമായി 23 ജീവനുകളാണ് പൊലിഞ്ഞത്. ഇനിയും ആളുകളെ കണ്ടെത്താനുണ്ട്.