Forecast Weather using OpenWeatherMap with PHP

Kerala

  • Sunday 12:23 pm
  • 24th October, 2021
  • Clear Sky
30.82°C30.82°C
  • Humidity: 57 %
  • Wind: 1.77 km/h

Breaking News

  • കുഞ്ഞിനെ ദത്ത് നൽകിയ സംഭവം   കൂടുതൽ ജീവനക്കാരുടെ മൊഴി എടുത്ത് ഉടൻ റിപ്പോർട്ട് നല്കാൻ ശ്രമം വഞ്ചിയൂർ കോടതിയുടെ നടപടികൾ നാളെ നിർണായകം.
  • ഇന്നും ശക്തമായ മഴ   5 ജില്ലകളിൽ യെല്ലോ അലർട്ട് സിപിഎം സിസി ഇന്നവസാനിപ്പിക്കും 
i2i News Trivandrum

പാലാ മീനച്ചിൽ സ്വദേശി രാജീവ് ശ്രീധരൻ നൽകിയ പരാതിയിൽ മോൻസൺ മാവുങ്കലിനെ  പ്രതി ചേർത്ത് അറസ്റ്റ് രേഖപ്പെടുത്തി.ക്രൈംബ്രാഞ്ച് സംഘം ജയിലിൽ എത്തിയാണ് അറസ്റ്റ് രേഖപ്പെടുത്തിയത്. 1.68 കോടി രൂപ തട്ടിയെന്ന് കാണിച്ചാണ് രാജീവ് പൊലീസിൽ പരാതി നൽകിയത്. ഇതിന്റെ അടിസ്ഥാനത്തിൽ ക്രൈംബ്രാഞ്ച് കേസ് രജിസ്റ്റർ ചെയ്തിരുന്നു. പുരാവസ്തു വിൽപ്പനക്കാരനെന്ന വ്യാജേനയാണ് മോൻസൺ മാവുങ്കൽ പലരിൽ നിന്നായി കോടികൾ തട്ടിച്ചത്. 2018-2021 കാലഘട്ടത്തിലായിരുന്നു തട്ടിപ്പ് നടത്തിയത്. മോൻസണിന്റെ സുഹൃത്തായിരുന്ന അനൂപ് അഹമ്മദാണ് ആദ്യം പരാതിയുമായി രംഗത്തെത്തിയത്. തുടർന്ന് നിരവധി പേർ പരാതി നൽകി. എന്നാൽ പരാതികളിൽ അന്വേഷണം നടന്നില്ല. ഉന്നത പൊലീസ് ബന്ധം ഉപയോഗിച്ച് മോൻസൺ അന്വേഷണം അട്ടിമറിച്ചതായാണ് ആരോപണം. രാഷ്ട്രീയക്കാരും സിനിമാ മേഖലയിൽ ഉള്ളവരുമായും മോൻസണ് ഉറ്റ ബന്ധമാണുള്ളത്.

അതിനിടെ മോൻസണിന്റെ മുൻ ഡ്രൈവർ നൽകിയ പരാതി ഒതുക്കി തീർക്കാൻ നടൻ ബാല ഇടപെട്ടു എന്നുള്ള വിവരം പുറത്തുവന്നു. മോൻസണിന്റെ മുൻ ഡ്രൈവർ അജി നെട്ടൂർ നൽകിയ പരാതി പിൻവലിപ്പിക്കാൻ ബാല ഇടപെട്ടെന്നായിരുന്നു വിവരം. അജിയും ബാലയും തമ്മിലുള്ള ഫോൺ സംഭാഷണം പുറത്തുവന്നിരുന്നു. തന്നെ ഒരു സഹോദരനായിട്ടാണ് കാണുന്നതെങ്കിൽ മോൻസണിനെതിരായ പരാതി പിൻവലിക്കണമെന്ന് ബാല പറയുന്നുണ്ട്. അജിക്കെതിരായ കേസുകൾ ഒഴിവാക്കാൻ താൻ പറഞ്ഞിട്ടുണ്ടെന്നും സ്‌നേഹത്തോടെ മുന്നോട്ടു പോകണമെന്നും ബാല പറയുന്നത് കേൾക്കാം. എന്നാൽ അയൽവാസി എന്ന നിലയിൽ മാത്രമാണ് മോൻസണുമായി ബന്ധമെന്നായിരുന്നു ബാല പ്രതികരിച്ചത്.

Readers Comment

Add a Comment