കൊവിഡ് ബാധിച്ച് മരിച്ചവരുടെ കുടുംബങ്ങൾക്ക് സംസ്ഥാന സർക്കാരുകൾ 50,000 രൂപ വീതം നൽകണമെന്ന് ദേശീയ ദുരന്തനിവാരണ അതോറിറ്റി (എൻ.ഡി.എം.എ) നിർദേശിച്ചതായി കേന്ദ്ര സർക്കാർ.സംസ്ഥാന സർക്കാറുകളുടെ ദുരിതാശ്വാസ നിധിയിൽ നിന്നാണ് ഈ തുക നൽകേണ്ടതെന്നും കേന്ദ്രം സുപ്രീം കോടതിയെ അറിയിച്ചു.കൊവിഡ് ബാധിച്ച് മരിച്ചവരുടെയോ, കൊവിഡ് ദുരിതാശ്വാസ പ്രവർത്തനങ്ങൾക്കിടെ മരിച്ചവരുടെയോ കുടുംബങ്ങൾക്കാണ് സഹായം നൽകേണ്ടതെന്നും നിർദേശത്തിൽ പറയുന്നു.കേന്ദ്ര ആരോഗ്യ കുടുംബക്ഷേമ മന്ത്രാലയവും ഐ.സി.എം.ആറും പുറപ്പെടുവിച്ച മാർഗനിർദേശങ്ങൾ അനുസരിച്ച് മരണകാരണം കൊവിഡ് ആയി സാക്ഷ്യപ്പെടുത്തിയ രേഖ മരണപ്പെട്ടവരുടെ കുടുംബം ഹാജരാക്കണം.ജില്ല ദുരന്തനിവാരണ അതോറിറ്റിയ്‌ക്കാണ് രേഖകൾ പരിശോധിച്ച് ഉറപ്പുവരുത്താനുള്ള ചുമതല.