പുതുവൈപ്പിനിൽ നിന്നും മത്സ്യബന്ധനത്തിന് പോയ ബോട്ട് മുങ്ങി. പുതുവൈപ്പിനിൽ നിന്നും മൂന്ന് കിലോമീറ്റർ പടിഞ്ഞാറ് നീങ്ങിയാണ് അപകടം സംഭവിച്ചത്. മുപ്പതിൽ അധികം മത്സ്യത്തൊഴിലാളികളായിരുന്നു ബോട്ടിലുണ്ടായിരുന്നത്.മത്സ്യത്തൊഴിലാളികൾ തന്നെ നടത്തിയ രക്ഷാപ്രവർത്തനത്തിൽ അപകടത്തിൽ പെട്ട എല്ലാവരെയും രക്ഷിച്ചു. നേരത്തെ മുങ്ങിയ മറ്റൊരു വള്ളത്തിൽ ഇടിച്ചായിരുന്നു അപകടം സംഭവിച്ചത്. അപകടത്തിൽ പെട്ട ഇൻബോർഡ് വള്ളം പൂർണമായും കടലിൽ മുങ്ങിയതായി മത്സ്യ തൊഴിലാളികൾ അറിയിച്ചു.