ഇന്ത്യൻ ഫുട്ബോൾ ടീം മുൻ നായകനും ഒളിംപ്യനുമായ ഒ ചന്ദ്രശേഖരൻ(86) അന്തരിച്ചു. 1960ലെ റോം ഒളിംപിക്‌സിൽ പങ്കെടുത്ത ഇന്ത്യൻ ഫുട്ബോൾ ടീമിൽ അംഗമായിരുന്നു. 1962ൽ ഏഷ്യാഡ് ജേതാക്കളായ ടീമിലും 1964ലെ എഎഫ്‌സി ഏഷ്യൻ കപ്പ് വെള്ളി നേടിയ ടീമിലും അംഗമായി. 

ഇന്ത്യൻ ഫുട്ബോളിലെ മികച്ച പ്രതിരോധ താരങ്ങളിലൊരാളാണ് ഒ ചന്ദ്രശേഖരൻ. തൃശൂർ ജില്ലയിലെ കാൽടെക്‌സിൽ ജനിച്ച ചന്ദ്രശേഖരൻ ക്ലബ് ഫുട്ബോളിൽ ബോംബെയിൽ കാൽടെക്‌സിനായി ഒരു പതിറ്റാണ്ടുകാലം(1956 — 1966) കളിച്ചു. പിന്നീട് സ്റ്റേറ്റ് ബാങ്ക് ഓഫ് ഇന്ത്യക്കായി(1966 — 1973) ബൂട്ടണിഞ്ഞു.1963ൽ സന്തോഷ് ട്രോഫി നേടിയ മഹാരാഷ്‌ട്ര ടീമിൻറെ നായകനായിരുന്നു