അഫ്ഗാനിസ്ഥാനിലെ സ്ഥിതിഗതികൾ സംബന്ധിച്ച് ഓഗസ്റ്റ് 26 ന് സർക്കാർ സർവകക്ഷി യോഗം ചേരും. യുദ്ധത്തിൽ തകർന്ന അഫ്ഗാനിസ്ഥാനിലെ സംഭവവികാസങ്ങളെക്കുറിച്ച് രാഷ്ട്രീയ പാർട്ടികളുടെ നേതാക്കളെ അറിയിക്കാൻ പ്രധാനമന്ത്രി നരേന്ദ്ര മോദി വിദേശകാര്യ മന്ത്രാലയത്തിന് നിർദ്ദേശം നൽകിയതായി വിദേശകാര്യ മന്ത്രി എസ് ജയശങ്കർ പറഞ്ഞതിന് പിന്നാലെയാണിത്.

 അഫ്ഗാനിസ്ഥാനിൽ നിന്ന്  സൈന്യത്തെ പിൻവലിക്കുന്നതിൽ കാലതാമസം വരുത്തുന്നത് അമെരിക്കയ്ക്ക് പ്രത്യാഘാതങ്ങൾ ഉണ്ടാക്കുമെന്ന് താലിബാൻ മുന്നറിയിപ്പ് നൽകിയിട്ടുണ്ട്. അവസാന തീയതി നിശ്ചയിച്ചിരിക്കുന്നത് - ആഗസ്റ്റ് 31 നാണ്.സാധാരണക്കാരെ ഒഴിപ്പിക്കാൻ സഹായിക്കുന്നതിന് ഓഗസ്റ്റ് 31 ന് ശേഷം തന്റെ സൈന്യം കാബൂളിൽ തുടർന്നേക്കാം എന്ന് യുഎസ് പ്രസിഡന്റ് ജോ ബൈഡൻ നേരത്തെ പറഞ്ഞിരുന്നു.