കൊല്ലത്ത് കോൺഗ്രസ് നേതാവ് കൊടിക്കുന്നിൽ സുരേഷിനെതിരെ പോസ്റ്റർ പ്രതിഷേധം. കോൺഗ്രസിന്റെ പേരിൽ കൊടിക്കുന്നിൽ സുരേഷ് തടിച്ചു കൊഴുത്തെന്ന് പോസ്റ്ററിൽ പറയുന്നു. കൊടിക്കുന്നിലിന് ഡിസിസി പ്രസിഡന്റിനെ തീരുമാനിക്കാൻ എന്ത് അധികാരം, കൊടിക്കുന്നിലിന് പിരിക്കാൻ വേണ്ടിയുള്ളതല്ല ഡിസിസി പ്രസിഡന്റ് സ്ഥാനം എന്നും പോസ്റ്ററിൽ പറയുന്നുണ്ട്. കൊല്ലം ഡിസിസി പ്രസിഡന്റായി പരിഗണിക്കുന്ന രാജേന്ദ്ര പ്രസാദിനും പോസ്റ്ററിൽ വിമർശനമുണ്ട്.

അതേസമയം, ഡിസിസി പ്രസിഡന്റുമാരെ രണ്ടു ദിവസത്തിനുള്ളിൽ പ്രഖ്യാപിക്കും. കെപിസിസി അധ്യക്ഷൻ കെ സുധാകരൻ നൽകിയ പട്ടികയ്ക്ക് എഐസിസി അംഗീകാരം നൽകിയതായാണ് റിപ്പോർട്ട്.