അഫ്‌ഗാൻ വഴിയുള്ള വ്യോമപാത അടച്ച സാഹചര്യത്തിൽ നിരവധി എയർലൈനുകൾ തങ്ങളുടെ വിമാനങ്ങൾ വഴിതിരിച്ചുവിട്ടുതുടങ്ങി.  അഫ്‌ഗാൻ പ്രസിഡൻറിൻറെ കാബൂളിലെ കൊട്ടാരത്തിൻറെ നിയന്ത്രണം താലിബാൻ ഏറ്റെടുത്തതിനെ തുടർന്നാണ് അഫ്‌ഗാൻ വ്യോമാതിർത്തി ഒഴിവാക്കുന്നത്.  . നിലവിൽ, അമേരിക്കയിൽ നിന്നുള്ള എയർ ഇന്ത്യ വിമാനങ്ങൾ ഇന്ധനം നിറക്കുന്നതിനായി ഗൾഫ് രാജ്യത്തേക്ക് വഴിതിരിച്ചുവിടുകയാണെന്നാണ് റിപ്പോർട്ടുകൾ. യുഎസിൽ നിന്ന് ഇന്ത്യയിലേക്ക് വരാനിരിക്കുന്ന വിമാനങ്ങൾക്ക് എയർ ഇന്ത്യ പുതിയ റൂട്ടുകൾ തെരഞ്ഞെടുക്കുകയാണ്. കാബൂൾ നഗരത്തിൽ താലിബാൻ അധികാരം സ്ഥാപിച്ചതോടെ നിരവധി ആളുകളാണ് രാജ്യത്തു നിന്ന് പലായനം ചെയ്യുന്നത്. കാബൂൾ വിമാനത്താവളത്തിൽ വൻ ജനത്തിരക്കാണ് അനുഭവപ്പെടുന്നത്. അതിനിടയിലാണ് അഫ്‌ഗാൻ വ്യോമപാത അടച്ചതായി റിപ്പോർട്ടുകൾ വരുന്നത്.ജനത്തിരക്കിൽ മരണങ്ങളും റിപ്പോർട്ട് ചെയ്യുന്നുണ്ട് 

​