രണ്ടാം ലോക്ഡൗണിനിടെയുണ്ടായ നിയമലംഘനത്തിൽ പോലീസ് പിഴയായി പിരിച്ചത് 125 കോടിയോളം രൂപ. കേസുകളുടെ എണ്ണവും പിഴത്തുകയും പോലീസിന്റെ വെബ്‌സൈറ്റിൽ ലഭ്യമാണ്.17.75 ലക്ഷം പേർക്കെതിരെയാണ് ഈ കാലയളവിൽ പോലീസ് കേസെടുത്തത്. മാസ്‌ക് ധരിക്കാത്തതിന് 10.7 ലക്ഷം കേസുകൾ രജിസ്റ്റർ ചെയ്തതായും രേഖകൾ പറയുന്നു. ആൾക്കൂട്ടങ്ങൾ, ലോക്ക്ഡൗൺ കാലത്ത് പോലീസ് നിയന്ത്രണം ലംഘിച്ച് പുറത്തിറങ്ങുക, ക്വാറന്റീൻ ലംഘനം തുടങ്ങി വിവിധ കാരണങ്ങൾക്കാണ് പോലീസ് കേസെടുത്തിരിക്കുന്നത്.