സംസ്ഥാനത്ത് ഡോക്ടർക്കെതിരെ വീണ്ടും ആക്രമണം. തിരുവനന്തപുരം ഫോർട്ട് താലൂക്ക് ആശുപത്രിയിലെ വനിതാ ഡോക്ടർ മാളുവിനും ജീവനക്കാർക്കുമാണ് മർദനമേറ്റത്.അത്യാഹിത വിഭാഗത്തിൽ ഡ്യൂട്ടിയിലുണ്ടായിരുന്ന ഡോക്ടറെ വ്യാഴാഴ്ച രാത്രി പന്ത്രണ്ടരയോടെയാണ് രണ്ട് പേർ ആക്രമിച്ചത്. ചികിൽസ തേടിയെത്തിയ രണ്ട് പേരാണ് ഡോക്ടറെയും സുരക്ഷാ ജീവനക്കാരെയും കയ്യേറ്റം ചെയ്തത്. ആക്രമണത്തിൽ പരിക്കേറ്റ ഡോക്ടർ ജനറൽ ആശുപത്രിയൽ ചികിൽസ തേടി. ഡോക്ടർക്ക് നേരെ കയ്യേറ്റം ഉണ്ടായ സംഭവത്തിൽ ഡോക്ടർമാർ പ്രതിഷേധിക്കുകയാണ്. ഒപി ബഹിഷ്‌കരിച്ചാണ് പ്രതിഷേധം.