കർണാടക അതിർത്തിയിൽ കോവിഡ് നിയന്ത്രണം കർശനമാക്കിയതിൽ പ്രതിഷേധിച്ച് കേരളത്തിലേക്കുള്ള വാഹനങ്ങൾ നാട്ടുകാരുടെ നേതൃത്വത്തിൽ തടയുന്നു. രണ്ടു ഡോസ് വാക്‌സീനെടുത്താലും കർണാടകയിൽ പ്രവേശിക്കാൻ 72 മണിക്കൂറിനുള്ളിലെടുത്ത ആർടിപിസിആർ നെഗറ്റീവ് സർട്ടിഫിക്കറ്റ് നിർബന്ധമാക്കിയതിലാണ് പ്രതിഷേധം.

ഇന്നലെ രണ്ടു ഡോസ് വാക്‌സീൻ എടുത്തവരെ കടത്തിവിട്ടെങ്കിലും ഇന്ന് 72 മണിക്കൂറിനുള്ളിലെടുത്ത ആർടിപിസിആർ നെഗറ്റീവ് സർട്ടിഫിക്കറ്റ് നിർബന്ധമാക്കിയതെന്തിനാണെന്നാണ് പ്രതിഷേധക്കാർ ചോദിക്കുന്നത്. നേരത്തെ ഉണ്ടായിരുന്നതുപോലെ കർണാടകയുടെ നേതൃത്വത്തിൽ ആർടിപിസിആർ പരിശോധന നടത്താൻ സൗകര്യമുണ്ടാക്കണമെന്നും പ്രതിഷേധക്കാർ ആവർത്തിച്ചു. മഞ്ചേശ്വരം സിഐയുമായി നടത്തിയ ചർച്ചയ്ക്കു പിന്നാലെ പ്രതിഷേധക്കാർ പിരിഞ്ഞുപോയി.