കേരളത്തിലെ കൊവിഡ് വ്യാപനത്തെ കുറിച്ച് പഠിക്കാനായി കേന്ദ്ര സംഘം ഇന്നെത്തുന്നു. കേരളത്തിലെ ഉയർന്നതോതിലുള്ള കൊവിഡ് വ്യാപനം നിയന്ത്രിക്കുന്നതിന് ആറംഗ വിദഗ്ധസംഘത്തെയും നിയോഗിച്ചു. നാഷണൽ സെന്റർ ഫോർ ഡിസീസ് കൺട്രോളിന്റെ(എൻസിഡിസി) ഡയറക്ടർ ഡോ. എസ് കെ സിംഗിന്റെ നേതൃത്വത്തിലുള്ളതാണ് സംഘം. രോഗവ്യാപനം കൂടുതലുള്ള ജില്ലകൾ കേന്ദ്ര സംഘം സന്ദർശിക്കും.സംസ്ഥാനസർക്കാരിനെ കൊവിഡ് പ്രതിരോധ നടപടികൾ സ്വീകരിക്കാൻ സഹായിക്കുകയാണ് സംഘം ചെയ്യുകയെന്ന് കേന്ദ്ര ആരോഗ്യ മന്ത്രാലയം പറഞ്ഞു.