കൊവിഡിനെതിരെ പ്രതിരോധശേഷി കൈവരിച്ചവർ ഏറ്റവും കുറവുള്ളത് കേരളത്തിലാണെന്ന് ഇന്ത്യൻ കൗൺസിൽ ഓഫ് മെഡിക്കൽ റിസർച്ചിൻറെ (ഐസിഎംആർ) സർവേ റിപ്പോർട്ട്. കേരളത്തിൽ 44.4 ശതമാനമാണ് 'സീറോ പോസിറ്റീവ്' ആയവർ. പട്ടികയിൽ ഒന്നാം സ്ഥാനത്തുള്ളത് മധ്യപ്രദേശാണ്. ഇവിടെ 79 ശതമാനം പേർ സീറോ പോസിറ്റീവാണ്.21 സംസ്ഥാനങ്ങളിൽ ഇതുമായി ബന്ധപ്പെട്ട് നടത്തിയ സർവേയുടെ അടിസ്ഥാനത്തിലാണ് റിപ്പോർട്ട്. സർവേ നടത്തിയ 11 സംസ്ഥാനങ്ങളിൽ മൂന്നിൽ രണ്ട് ഭാഗവും വൈറസിനെതിരെ ആൻറിബോഡികൾ വികസിപ്പിച്ചിട്ടുള്ളതായി കണ്ടെത്തി. ജൂൺ 14 നും ജൂലൈ 6 നും ഇടയിലാണ് ഐസിഎംആർ സീറോ സർവേ നടത്തിയത്.