കണ്ണൂരിൽ അപൂർവ്വ രോഗം ബാധിച്ച് ചികിത്സയിലായ ഒന്നരവയസ്സുകാരൻ മുഹമ്മദിനായി ഇതുവരെ സമാഹരിച്ചത് 46.78 കോടി രൂപ. 7.77 ലക്ഷം പേരുടെ സഹായത്തിലാണ് തുക ലഭിച്ചത്. ചികിത്സാസമിതിയാണ് വിവരങ്ങൾ പുറത്തുവിട്ടത്.ഈ പശ്ചാത്തലത്തിൽ അടുത്ത മാസം ആറിന് കുഞ്ഞിനായുള്ള മരുന്ന് നാട്ടിലെത്തും. ബാക്കിയുള്ള തുക സ്പൈനൽ മസ്‌കുലർ അട്രോഫി ബാധിച്ച മറ്റ് കുട്ടികൾക്ക് നൽകുമെന്നും കുടുംബം പറഞ്ഞു. ഒപ്പം ചികിത്സയ്‌ക്കായി പണം നൽകിയ എല്ലാവർക്കും നന്ദി അറിയിക്കുകയും ചെയ്തു.രണ്ട് വയസിന് മുൻപ് മുഹമ്മദിന് സോൾജെൻസ്മാ എന്ന മരുന്ന് ഒരു ഡോസ് നൽകിയാൽ രോഗം ഭേദമാകുമെന്നാണ് വിദഗ്ധർ പറയുന്നത്.