മലയാളത്തിലെ മുതിർന്ന നടൻ കെ.ടി.എസ്.പടന്നയിൽ അന്തരിച്ചു. .വാർധക്യസഹജമായ രോഗങ്ങളെ തുർന്നാണ് അന്ത്യം.  തൃപ്പൂണിത്തുറ സ്വദേശിയാണ്. 88 വയസ്സായിരുന്നു. നാടകലോകത്തുനിന്ന് സിനിമയിലെത്തിയ കെ.ടി.എസ്.പടന്നയിൽ ശ്രദ്ധേയമായ വേഷങ്ങൾ മലയാളത്തിൽ അവതരിപ്പിച്ചിട്ടുണ്ട്.ശ്രീകൃഷ്ണപുരത്തെ നക്ഷത്രത്തിളക്കം, ആദ്യത്തെ കൺമണി, വൃദ്ധൻമാരെ സൂക്ഷിക്കുക, അനിയൻ ബാവ ചേട്ടൻ ബാവ, സ്വപ്‌നലോകത്തെ ബാലഭാസ്‌കരൻ, കഥാനായകൻ, കുഞ്ഞിരാമായണം, അമർ അക്ബർ അന്തോണി തുടങ്ങി നിരവധി ഹിറ്റ് സിനിമകളുടെ ഭാഗമായി. കെ.ടി.സുബ്രഹ്മണ്യൻ പടന്നയിൽ എന്നാണ് മുഴുവൻ പേര്.