സംസ്ഥാനത്ത് ചിക്കൻവില കുതിച്ചുയരുന്ന സാഹചര്യത്തിൽ സർക്കാർ അടിയന്തരമായി ഇടപെടണമെന്നും ഇല്ലെങ്കിൽ ഹോട്ടലുകളിൽ ചിക്കൻ വിഭവങ്ങൾ ബഹിഷ്‌കരിക്കേണ്ടിവരുമെന്നും കേരള ഹോട്ടൽ ആൻഡ്​​ റസ്​റ്റോറൻറ്​ അസോസിയേഷൻ ജില്ല കമ്മിറ്റി. രണ്ടാഴ്ചക്കിടയിൽ ഇരട്ടിയോളം രൂപയുടെ വർധനയാണ് ചിക്കന്റെ വിലയിൽ ഉണ്ടായിട്ടുള്ളതെന്നും സംസ്ഥാനത്ത് ചിക്കന് കൃത്രിമ ക്ഷാമം സൃഷ്​ടിച്ച്‌ വില വർധിപ്പിക്കുന്നതിന് പിന്നിൽ ഇതരസംസ്ഥാന ചിക്കൻ ലോബിയാണെന്നും അസോസിയേഷൻ ആരോപിച്ചു.കോവിഡ്​ പ്രതിസന്ധിയിൽ ഹോട്ടൽ മേഖലക്ക് ചിക്കന്റെ വിലവർധന കനത്ത തിരിച്ചടിയാണെന്നും വില കൂട്ടിവിൽക്കാൻ കഴിയാത്ത സാഹചര്യമാണെന്നും വിലക്കയറ്റം തടയാൻ അടിയന്തര നടപടികൾ സർക്കാർ സ്വീകരിക്കണമെന്നും അസോസിയേഷൻ ജില്ല പ്രസിഡൻറ്​ ആർ. ചന്ദ്രശേഖരനും (മഹാലക്ഷ്മി), സെക്രട്ടറി രാജീവ് ദേവലോകവും പ്രസ്താവനയിൽ ആവശ്യപ്പെട്ടു.