പ്രമുഖ ഫോട്ടോ ജേർണലിസ്റ്റ് ഡാനിഷ് സിദ്ദിഖി കൊല്ലപ്പെട്ടു. പുലിസ്റ്റർ പ്രൈസ് ജേതാവാണ്. റോയിട്ടേഴ്സിനു വേണ്ടി കാണ്ഡഹാറിലെ സ്പിൻ ബോൽദാക്ക് ജില്ലയിൽ സംഘർഷം റിപ്പോർട്ട് ചെയ്യുന്നതിനിടെ നടന്ന അപകടത്തിലായിരുന്നു മരണം. അഫ്ഗാൻ മാധ്യമങ്ങളാണ് വാർത്ത പുറത്ത് വിട്ടത്.ടിവി ന്യൂസ് കറസ്‌പോണ്ടന്റ് ആയിരുന്ന സിദ്ദിഖി പിന്നീടാണ് ഫോട്ടോ ജേർണലിസത്തിലേക്ക് കടന്നത്. 2010 മുതൽ ന്യൂസ് ഫോട്ടോഗ്രാഫറാണ്. ഇന്ത്യാ ടുഡേയിലും പ്രവർത്തിച്ചിട്ടുണ്ട്. റോഹിങ്ക്യൻ അഭയാർത്ഥികളുടെ ദുരിതങ്ങൾ ചിത്രീകരിച്ചതിനാണ് 2018ൽ ഇദ്ദേഹത്തിന് പുലിസ്റ്റർ ലഭിച്ചത്. അദ്‌നാൻ അബിദിക്കൊപ്പമാണ് ഇദ്ദേഹം സമ്മാനം പങ്കുവച്ചത്. ദുരന്ത മുഖങ്ങളുടെയും സംഘർഷങ്ങളുടെയും തീക്ഷ്ണ മുഖങ്ങൾ ഒപ്പിയ ഫോട്ടോഗ്രാഫറാണ്.