ആവേശം അണപൊട്ടിയ യൂറോകപ്പ് ഫൈനൽ മത്സരത്തിൽ ഇംഗ്ലണ്ടിനെ കീഴടക്കി ഇറ്റലി കിരീടം സ്വന്തമാക്കി. പെനാൽട്ടി ഷൂട്ടൗട്ടിലാണ് ഇറ്റലി നേട്ടം കൊയ്തത്. അത്യുഗ്രൻ സേവുകളുമായി ശ്രദ്ധേയനായ ​ഗോൾകീപ്പർ ജിയാൻ ലൂയി ഡോണറുമ്മയാണ് കളിയുടെ അവസാന നിമിഷത്തിലെ ഇറ്റലിയുടെ വിജയത്തിനു പിന്നിൽ. പെനാൽട്ടി ഷൂട്ടൗട്ടിൽ 3-2 എന്ന സ്‌കോറിനാണ് ഇംഗ്ലണ്ടിനെ ഇറ്റലി തുരത്തിയത്.ബെറാർഡി, ബൊനൂച്ചി, ബെർണാഡെസ്‌കി എന്നിവരാണ് പെനാൽട്ടിയിൽ ഇറ്റലിയ്ക്കായി ലക്ഷ്യംകണ്ടത്. ഇംഗ്ലണ്ടിനായി പെനാൽട്ടി ലക്ഷ്യത്തിലെത്തിച്ചത് ഹാരി മഗ്വയറും ഹാരി കെയ്‌നുമാണ്. യൂറോ കപ്പ് ഫൈനൽ മത്സരത്തിൽ ചരിത്രം രചിച്ച് ഇം​ഗ്ലണ്ട് ലെഫ്റ്റ് ബാക്ക് താരം ലൂക്ക് ഷോ.കളി തുടങ്ങി രണ്ടാം മിനിട്ടിൽ തന്നെ ഇം​ഗ്ലണ്ട് (1-0) ലീഡെടുക്കുകയായിരുന്നു. ഒരു മിനിറ്റുകഴിഞ്ഞ് 57-ാം സെക്കൻഡിലാണ് യൂറോയുടെ ചരിത്രത്തിലെ ഏറ്റവും വേഗതയേറിയ ഗോളെന്ന റെക്കോർഡ് ഷോ കുറിച്ചത്. ഇതോടെ, ഇംഗ്ലണ്ട് - ഇറ്റലി കൊമ്പുകോർക്കലിന് കൂടുതൽ ആവേശമായി.കനത്ത പോരാട്ടം നടക്കുന്ന യൂറോ കപ്പ് ഫൈനലിൻറെ ആദ്യപകുതി പിന്നിടുമ്പോൾ ഇംഗ്ളണ്ടിനെതിരെ സമനില ഗോൾ നേടി ഇറ്റലി. കളി തുടങ്ങി രണ്ടാം മിനിട്ടിൽ തന്നെ ഇം​ഗ്ലണ്ട് (1-0) ലീഡെടുത്തതിന് എതിർ ടീമിൻറെ ബൊനൂച്ചിയാണ് പകരംവീട്ടൽ ഗോളടിച്ചത്.