കഴിഞ്ഞ ഒന്നരമാസമായി ആസ്റ്റർ മെഡിസിറ്റിയിൽ ചികിത്സയിലായിരുന്ന യാക്കോബായ സുറിയാനി സഭയുടെ ശ്രേഷ്ട ബസേലിയോസ് തോമസ് പ്രഥമൻ ബാവ  സുഖം പ്രാപിച്ചതിനെ ആശുപത്രി വിട്ടു. തക്കസമയത്ത്  വിദ​ഗ്ധ   ചികിത്സാ സൗകര്യമുള്ള ആശുപത്രിയിലേക്ക്  മാറ്റിയതിനാലാണ് അദ്ദേഹത്തിന് ഇത്ര വേ​ഗം ആശുപത്രി വിടാനായത്. നിലവിൽ പുത്തൻ കുരിശ് പാത്രിയാർക്ക സെന്ററിൽ വിശ്രമത്തിൽ കഴിയുകയാണ് ബാവ.കർശന കൊവിഡ് നിയന്ത്രണങ്ങളുടെ ഭാ​ഗമായി ബാവയെ കാണാൻ സന്ദർശകർക്ക് അനുമതി നൽകിയിട്ടില്ലെന്ന് മെത്രാപ്പോലീത്തൻ ട്രസ്റ്റി ജോസഫ് മാർ ഗ്രിഗോറിയോസ് മെത്രാപ്പോലീത്ത അറിയിച്ചു.  വാർധക്യ സഹജമായ രോ​ഗങ്ങളെ തുടർന്നാണ് അദ്ദേഹത്തെ ആശുപത്രിയിൽ പ്രവേശിപ്പിച്ചത്. കഴിഞ്ഞയാഴ്ച ഡിസ്ചാർജ് ചെയ്യാമായിരുന്നുവെങ്കിലും  ഫിസിയോതെറാപി കൂടി കഴിഞ്ഞാണ് അദ്ദേഹത്തെ ഡിസ്ചാർജ് ചെയ്തത്. ഇക്കഴിഞ്ഞ    ജൂൺ നാലിനാണ് അദ്ദേഹത്തെ ആശുപത്രിയിൽ പ്രവേശിപ്പിച്ചത്.