ഒളിച്ചോടിയ നാലു പെൺകുട്ടികളെ സമയോചിതമായ ഇടപെടലിലൂടെ പോലീസ് സ്റ്റേഷനിൽ എത്തിച്ച് പിക് അപ് ഡ്രൈവർ. മാ​ന്നാ​റി​ലെ ബാ​ലി​കാ സ​ദ​ന​ത്തി​ൽ​ നി​ന്ന് ഒ​ളി​ച്ചോ​ടാൻ ശ്രമിച്ച നാ​ലു പെ​ൺ​കു​ട്ടി​ക​ളെയാണ് പി​ക്​​അ​പ്​ വാ​ൻ ഡ്രൈ​വ​ർ പ​ത്ത​നം​തി​ട്ട പൊ​ലീ​സ് സ്​​റ്റേ​ഷ​നി​ൽ എ​ത്തി​ച്ചത്. 16, 17 വ​യ​സ്സ് വീ​ത​മു​ള്ള നാ​ലു പെ​ൺ​കു​ട്ടി​ക​ളാണ് ശ​നി​യാ​ഴ്ച പു​ല​ർ​ച്ച 12 മണിയോടെ ബാ​ലി​ക​സ​ദ​ന​ത്തി​ലെ മ​തി​ൽ ചാ​ടി ര​ക്ഷ​പ്പെ​ടാൻ ശ്രമിച്ചത്.ബാ​ലി​കാ സ​ദ​ന​ത്തി​ന്റെ മതിൽ ചാടി രക്ഷപ്പെട്ട പെൺകുട്ടികൾ മാ​ന്നാ​ർ ടൗണിലെത്തി വാനിന് കൈ കാണിക്കുകയായിരുന്നു.

എ​വി​ടെ പോ​ക​ണ​മെ​ന്ന് ചോ​ദി​ച്ച ഡ്രൈ​വ​റോ​ട് കു​ട്ടി​ക​ളി​ൽ ഒ​രാ​ൾ കു​മ്പഴ​യി​ൽ എ​ന്നാ​ണ് മ​റു​പ​ടി ന​ൽ​കി​യ​ത്. അ​മ്പല​പ്പു​ഴ, കു​മ്പഴ, നൂ​റ​നാ​ട്, ഹ​രി​പ്പാ​ട് എ​ന്നി​വി​ട​ങ്ങ​ളി​ൽ​നി​ന്നു​ള്ള കു​ട്ടി​ക​ളാ​ണ് ര​ക്ഷ​പ്പെ​ട്ട​ത്. വാ​ൻ ഡ്രൈ​വ​ർ ത​ന്ത്ര​പൂ​ർ​വം കു​ട്ടി​ക​ളെ വാ​ഹ​ന​ത്തി​ൽ ക​യ​റ്റി നേ​രെ പ​ത്ത​നം​തി​ട്ട​യി​ൽ എ​ത്തിയ ശേഷം പൊ​ലീ​സ് സ്​​റ്റേ​ഷ​നി​ലേക്ക് വണ്ടി തിരിക്കുകയായിരുന്നു.

ബാ​ലി​ക​സ​ദ​ന​ത്തി​ൽ ക​ഴി​യാ​ൻ ഇ​ഷ്​​ട​മി​ല്ലാ​ത്ത​തു കൊ​ണ്ടാ​ണ് ഒ​ളി​ച്ചോ​ടി​യ​തെ​ന്നാണ് കു​ട്ടി​ക​ൾ പോലീസിനോട് പ​റ​ഞ്ഞത്. സ്​​റ്റേ​ഷ​നി​ലെ വ​നി​ത പൊ​ലീ​സു​കാ​ർ കു​ട്ടി​ക​ൾ​ക്ക് കൗ​ൺ​സ​ലി​ങ്​ ന​ൽ​കി. കു​ട്ടി​ക​ളെ കാ​ണാ​താ​യ​ത് സം​ബ​ന്ധി​ച്ച്‌ മാ​ന്നാ​ർ പൊ​ലീ​സ് കേ​സെ​ടു​ത്തി​ട്ടു​ണ്ട്. അ​വി​ടെ നി​ന്ന് വ​നി​ത പൊ​ലീ​സ് അ​ട​ക്കം എ​ത്തി കു​ട്ടി​ക​ളെ ഏ​റ്റെ​ടു​ത്തു. കു​ട്ടി​ക​ളെ കൗ​ൺ​സ​ലി​ങ്ങി​ന് വി​ധേ​യ​മാ​ക്കി ഒ​ളി​ച്ചോ​ടാ​ൻ ഉണ്ടാ​യ കാ​ര​ണം ക​ണ്ടെ​ത്തുമെന്ന് പോലീസ് അറിയിച്ചിട്ടുണ്ട്.