വത്തിക്കാനിൽ നിന്നുള്ളപുതിയ ഉത്തരവ് പ്രകാരം സിസ്റ്റർ ലൂസി കളയ്പ്പുരക്കലിന് കോൺവെന്റിൽ തുടരാൻ അവകാശമില്ലെന്ന് ഹൈക്കോടതി. നിലപാട് വിശദീകരിക്കാൻ സിസ്റ്റർ ലൂസിക്ക് കോടതി ചൊവ്വാഴ്ച വരെ സമയം അനുവദിച്ചു. കോൺവെന്റ് ഒഴിയാൻ വേണമെങ്കിൽ സമയം നൽകാമെന്നും കോടതി വാക്കാൽ പരാമർശിച്ചു. കേസ് അടുത്ത ചൊവ്വാഴ്ച വീണ്ടും പരിഗണിക്കും. ഇതിനിടയിൽ നിലപാട് അറിയിക്കണമെന്നാണ് കോടതി ഉത്തരവ്.

അതിനിടെ തന്നെ പുറത്താക്കിയ നടപടിയെ ചോദ്യം ചെയ്ത് വത്തിക്കാനിലെ അപ്പീൽ കൗൺസിലിനെ സമീപിച്ചതായി ലൂസി കഴിഞ്ഞ ദിവസം കോടതിയെ അറിയിച്ചിരുന്നു. അപ്പീൽ നിലനിൽക്കുന്ന സാഹചര്യത്തിൽ കോൺവെന്റിൽ നിന്ന് പുറത്താക്കാനാകില്ലെന്നും അവർ പറഞ്ഞിരുന്നു.