തിരുവനന്തപുരം പേട്ടയിൽ ഏജീസ് ഓഫിസ് ജീവനക്കാരെയും കുടുംബത്തേയും ആക്രമിച്ച സംഭവത്തിൽ രണ്ടു പേർ അറസ്റ്റിൽ. വഞ്ചിയൂർ സ്വദേശികളായ രാഗേഷ്, പ്രവീൺ എന്നിവരാണ് പിടിയിലായത്. ഞായറാഴ്ച രാത്രിയാണ് കുടുംബത്തോടൊപ്പം നടക്കാനിറങ്ങിയ ഹരിയാന സ്വദേശിയും ഏജീസ് ഓഫിസിലെ സീനിയർ അക്കൗണ്ടൻ്റുമായ രവി യാദവ്, ഉത്തർപ്രദേശ് സ്വദേശിയും ഏജീസ് ഓഫീസ് ഡേറ്റാ എൻട്രി ഓപ്പറേറ്ററുമായ ജഗത് സിങ് എന്നിവർക്കെതിരെ ആക്രമണം ഉണ്ടായത്.കത്തികൊണ്ടുള്ള ആക്രമണത്തിൽ ഇരുവർക്കും വിരലിനും കൈക്കുമാണ് പരിക്കേറ്റത്. പ്രതികളെ പിടികൂടാൻ വൈകുന്നതിനെതിരെ പ്രതിഷേധം ഉയർന്നിരുന്നു.