രാസപദാർഥങ്ങൾ കലർത്തിയ മീൻ വിൽപ്പനക്കെത്തിക്കുന്നത് തടയാൻ കോൾ സെന്‍ററുമായി ഫിഷറീസ് വകുപ്പ്. ഇതിനായി ജൂലൈ 7 മുതൽ 24 മണിക്കൂറും പ്രവർത്തിക്കുന്ന കോൾ സെൻ്റർ പ്രവർത്തനമാരംഭിക്കുമെന്ന് ഫിഷറീസ് മന്ത്രി സജി ചെറിയാൻ പറഞ്ഞു.രാസപദാർഥങ്ങൾ കലർത്തിയ മീൻ കണ്ടെത്തിയാൽ പൊതുജനങ്ങൾക്ക് പരാതി അറിയിക്കാം. മന്ത്രിയുടെ ഓഫീസ് നേരിട്ട് പരാതികൾ പരിശോധിക്കും. ഇതു കൂടാതെ മത്സ്യമേഖലയിൽ അപകടങ്ങളുണ്ടായാൽ രക്ഷാ പ്രവർത്തനങ്ങൾ ഏകോപിപ്പിക്കാനും കോൾ സെന്‍റർ ഉപയോഗിക്കുമെന്നും മന്ത്രി പറഞ്ഞു.