സ്ത്രീധനത്തിനെതിരെ കാമ്പയിനുമായി പ്രതിപക്ഷ നേതാവ് വി.ഡി.സതീശൻ. കച്ചവടമല്ല കല്യാണം എന്ന പേരിലാണ് കാമ്പയിൻ അവതരിപ്പിച്ചത്.സ്ത്രീധനത്തിന്റെ പേരിൽ നടക്കുന്ന ആത്മഹത്യകളുടെയും കൊലപാതകങ്ങളുടെയും പേരിൽ പ്രബുദ്ധ കേരളം അപമാനഭാരത്താൽ തലതാഴ്ത്തി നിൽക്കുകയാണ്. ഈ സാഹചര്യത്തിൽ സ്ത്രീധനം നൽകി വിവാഹം കഴിക്കില്ലായെന്ന് ഓരോ പെൺകുട്ടിയും, നടത്തില്ലായെന്ന് ഓരോ കുടുംബവും തീരുമാനിക്കണമെന്നും അദ്ദേഹം ആവശ്യപ്പെട്ടു.