സംസ്ഥാനത്ത് അടുത്ത അഞ്ച് വർഷത്തേക്കുള്ള പുതുക്കിയ വൈദ്യുതി നിരക്ക് 2022 മാർച്ച് മാസത്തിൽ പ്രഖ്യാപിക്കും. നിരക്ക് പുതുക്കുന്നതിനായുള്ള കരട് മാനദണ്ഡങ്ങൾ കമ്മിഷൻ തയ്യാറാക്കി തുടങ്ങി. അടുത്ത മാസം ഇത് വെബ്സൈറ്റിൽ പ്രസിദ്ധീകരിക്കും.ശമ്പളം, വൈദ്യുതിബോർഡ് വായ്‌പ, ഉൽപ്പാദന ചിലവ് തുടങ്ങി 180 ഓളം ഘടകങ്ങൾ അടിസ്ഥാനമാക്കിയാണ് നിരക്ക് പുതുക്കി നിശ്ചയിക്കുക. നിലവിലെ വൈദ്യുതി നിരക്കിന് അടുത്ത മാർച്ച് 31 വരെയാണ് പ്രാബല്യം ഉള്ളത്. 2018 ലായിരുന്നു നാലുവർഷത്തെ നിരക്ക് പ്രഖ്യാപിച്ചത്. നാലുവർഷവും നിരക്കിൽ മാറ്റം ഉണ്ടായിരുന്നില്ല.