സംസ്ഥാനത്ത് ശനിയും ഞായറും സമ്പൂർണ ലോക്ക്‌ ഡൗൺ. അവശ്യ സേവനങ്ങൾക്ക് മാത്രമാണ് പ്രവർത്തനാനുമതി. അവശ്യ സാധനങ്ങൾ വിൽക്കുന്ന കടകൾക്ക് രാവിലെ 7 മുതൽ രാത്രി 7 വരെ തുറന്ന് പ്രവർത്തിക്കാം. കടകളിൽ കൊവിഡ് പ്രോട്ടോക്കോൾ കർശനമായി പാലിക്കണമെന്ന് നിർദേശമുണ്ട്.ഹോട്ടലുകളിൽ ഹോം ഡെലിവറിയാകാം. ഹോം ഡെലിവറി പ്രായോഗികമല്ലാത്ത സ്ഥലങ്ങളിൽ ഭക്ഷണം പാഴ്‌സലായി നൽകാനും അനുമതി ഉണ്ട്. നഗരങ്ങളിൽ പൊലീസ് പരിശോധന കർശനമാക്കും. നഗരാതിർത്തി പ്രദേശങ്ങളിൽ പൊലീസ് ബാരിക്കേട് വെച്ച് അടയ്ക്കും. കെഎസ്‌ആർടിസി, സ്വകാര്യ ബസുകൾ സർവീസ് നടത്തില്ല. അതേസമയം ലോക്ക് ഡൗൺ അവലോകനം ചെയ്യാൻ മുഖ്യമന്ത്രിയുടെ അധ്യക്ഷതയിൽ ഇന്ന്(ജൂൺ 26) യോഗം ചേരും. കൂടുതൽ ഇളവുകൾ ഉണ്ടാകില്ലെന്നാണ് സൂചന.