ആർസിസിയിൽ ലിഫ്റ്റ് അപകടത്തിൽ മരിച്ച കൊല്ലം പത്തനാപുരം സ്വദേശി നദീറയുടെ കുടുംബത്തിന് ധന സഹായം അനുവദിക്കാൻ മന്ത്രിസഭ തീരുമാനം. നദീറയുടെ ആശ്രിതർക്ക് 20 ലക്ഷം രൂപ ധനസഹായം അനുവദിക്കാൻ ബുധനാഴ്‌ച ചേർന്ന മന്ത്രിസഭാ യോഗം തീരുമാനിച്ചു.ആർസിസിയിൽ അമ്മയുടെ ചികിത്സക്കെത്തിയപ്പോഴാണ് നദീറ അപകടത്തിൽപെട്ടത്. അറ്റകുറ്റപണിക്കായി പ്ലാറ്റ്‌ഫോം നീക്കിയ ലിഫ്റ്റിൽ അബദ്ധത്തിൽ കയറിയതിനെ തുടർന്നാണ് അപകടമുണ്ടായത്. മുൻകരുതൽ നിർദേശങ്ങളോ ബോർഡുകളോ സ്ഥാപിക്കാതിരുന്നതാണ് അപകടത്തിന് കാരണമായത്. കുടുബത്തിൻറെ ദയനീയ അവസ്ഥ കൂടി പരിഗണിച്ചാണ്‌ നഷ്‌ടപരിഹാരം അനുവദിക്കാൻ മന്ത്രിസഭ തീരുമാനിച്ചത്