തിരുവനന്തപുരം വിഴിഞ്ഞത്ത് യുവതി വാടകവീട്ടിൽ തീകൊളുത്തി മരിച്ച നിലയിൽ. ചിരത്തലവിളാകാം സ്വദേശി അർച്ചനയാണ് (24) മരിച്ചത്. ഒരു വർഷം മുമ്പാണ് ചിത്തരവിളാകം സ്വദേശി സുരേഷുമായി വിവാഹം കഴിഞ്ഞത്. ഇരുവരും വ്യത്യസ്ത മതസ്ഥരാണ്.ഇരുവരും താമസിച്ചിരുന്ന വാടക വീട്ടിലാണ് അർച്ചനയെ തീകൊളുത്തി മരിച്ച നിലയിൽ കണ്ടെത്തിയത്. വിഴിഞ്ഞം പൊലീസെത്തി മൃതദേഹം മെഡിക്കൽ കോളജിലേക്ക് മാറ്റി. ഇന്നലെ രാത്രിയായിരുന്നു സംഭവം. യുവതിയുടെ ബന്ധുക്കളുടെ ആരോപണത്തെത്തുടർന്ന് സ്ത്രീധനപീഡനം ഉൾപ്പെടെയുള്ള കാര്യങ്ങൾ പൊലീസ് അന്വേഷിച്ചു വരുന്നുണ്ട്.കൊല്ലത്ത് സമാന സംഭവമുണ്ടായി മണികൂറുകൾക്കുള്ളിൽ ആണ് വിഴിഞ്ഞത്തെ സംഭവം.