വ്യക്തിപരമായ ആക്രമണം തുടർന്നാൽ കെപിസിസി അധ്യക്ഷൻ കെ.സുധാകരനെ നേരിടുമെന്ന് എ.കെ.ബാലൻ. കോൺഗ്രസ് നേതാക്കളായ മമ്പറം ദിവാകരനും രാമകൃഷ്ണും പറഞ്ഞ കാര്യങ്ങളാണു മുഖ്യമന്ത്രി പിണറായി വിജയൻ എഴുതി വായിച്ചത്.

1968ൽ താൻ ബ്രണ്ണൻ കോളജിൽ പഠിച്ചെന്ന് തെളിയിച്ചാൽ സുധാകരൻ മാപ്പ് പറയണം. പിണറായി പ്രതികരിക്കാൻ നിർബന്ധിതനായതാണെന്നും അദ്ദേഹം പറഞ്ഞു.പിണറായിയുടെ മക്കളെ തട്ടിക്കൊണ്ടുപോകുമെന്ന് മുന്നറിയിപ്പ് നൽകിയത് ആരെന്ന് വെളിപ്പെടുത്തും. മരിക്കുന്നതിന് മുൻപ് കോൺഗ്രസുകാരൻ ഇക്കാര്യങ്ങൾ മകനോട് പറഞ്ഞിട്ടുണ്ട്. ആളെ അറിഞ്ഞാൽ ആ കുടുംബത്തെയും സുധാകരൻ വേട്ടയാടുമെന്നും ബാലൻ ആരോപിച്ചു.