സിപിഐഎമ്മിന് കോഴപ്പണം നൽകിയെന്ന ആരോപണത്തിൽ സി. കെ ശശീന്ദ്രന്റെ വാദം ശരിവച്ച് സി.കെ.ജാനു. കടം വാങ്ങിയ പണമാണ് ശശീന്ദ്രന് തിരികെ നൽകിയതെന്ന് സി. കെ ജാനു പറഞ്ഞു.

കൃഷി ചെയ്ത് ലഭിച്ച പണമാണത്. കോഴപ്പണമാണെന്നത് അടിസ്ഥാന രഹിതമായ ആരോപണമാണ്. വ്യാജ പ്രചാരണം നടത്തുന്നവർക്കെതിരെ നിയമ നടപടി സ്വീകരിക്കുമെന്നും സി.കെ.ജാനു പറഞ്ഞു.കെ. സുരേന്ദ്രൻ പണം കൈമാറിയതിന്റെ പിറ്റേന്ന് കൽപറ്റയിലെ ബാങ്കിലെത്തി സി.കെ ശശീന്ദ്രന്റെ ഭാര്യക്ക് ജാനു പണം നൽകിയെന്നായിരുന്നു എംഎസ്എഫ് സംസ്ഥാന അധ്യക്ഷന്റെ ആരോപണം.