തമിഴ്‌നാട്ടിൽ ട്രാൻസ്‌ജെൻഡേഴ്‌സിന് പ്രത്യേക കൊവിഡ് സാമ്പത്തിക സഹായം ഒരുക്കുന്നു. റേഷൻ കാർഡ് ഇല്ലാത്ത ട്രാൻസ്‌ജെൻഡേഴ്‌സിനും സഹായം ലഭ്യമാകും. ട്രാൻസ് വിഭാഗങ്ങളിലുള്ളവർക്ക് 4000 രൂപയും അരിയും ഭക്ഷ്യകിറ്റും നൽകുമെന്ന് തമിഴ്‌നാട് സർക്കാർ വ്യക്തമാക്കി. മദ്രാസ് ഹൈക്കോടതിയിലാണ് സർക്കാർ ഇക്കാര്യം അറിയിച്ചത്.

ട്രാൻസ്‌ജെൻഡേഴ്‌സ് ഏതെങ്കിലും തിരിച്ചറിയൽ രേഖ ഹാജരാക്കിയാൽ മതിയെന്നും സർക്കാർ വ്യക്തമാക്കി. ട്രാൻസ് വിഭാഗങ്ങളിലുള്ളവർക്ക് പുതിയ സംരംഭം തുടങ്ങാൻ പലിശരഹിത വായ്പയും അനുവദിക്കും. ഈ പദ്ധതിയിലേക്ക് ഇതിനോടകം 8493 പേരാണ് രജിസ്റ്റർ ചെയ്തിട്ടുള്ളത്.