സംസ്ഥാനത്ത് മദ്യവില്‍പന പുനരാരംഭിച്ചതോടെ ബെവ്റേജസ് ഔട്ട്ലെറ്റുകള്‍ക്ക് മുൻപില്‍ ആളുകളുടെ നീണ്ട ക്യൂ. പലയിടങ്ങളിലും തുറക്കുംമുന്‍പ് തന്നെ മദ്യപര്‍ നിലയുറപ്പിച്ചിരുന്നു. ലോക്ക്ഡൗണിനെ തുടര്‍ന്ന് നിര്‍ത്തിവച്ച മദ്യവില്‍പ്പന 51 ദിവസത്തിന് ശേഷമാണ് പുനരാരംഭിച്ചത്. കൊവിഡ് മാനദണ്ഡപ്രകാരം അധികൃതര്‍ ഒരുക്കിയ നിയന്ത്രണങ്ങള്‍ പാലിച്ചാണ് വിൽപ്പന നടക്കുന്നത്.  ഒരേസമയം അ‍ഞ്ച് പേർക്കാണ് മദ്യം വാങ്ങാൻ അനുമതി. താപനില പരിശോധനയോടൊപ്പം മദ്യപരുടെ പേര് വിവരങ്ങളും രേഖപ്പെടുത്തി വയ്ക്കുന്നുണ്ട്