എൻജിനീയറിങ് പ്രവേശന പട്ടിക ഇത്തവണ എൻട്രൻസ് പരീക്ഷയുടെ മാർക്കിൻ്റെ മാത്രം അടിസ്ഥാനത്തിൽ തയ്യാറാക്കണമെന്ന് ഉന്നത വിദ്യാഭ്യാസ വകുപ്പിൻ്റെ നിർദ്ദേശം. കൊവിഡിൻ്റെ പശ്ചാത്തലത്തിൽ സിബിഎസ്ഇ പരീക്ഷകൾ റദ്ദു ചെയ്ത സാഹചര്യത്തിൽ ഈ ഒരു വർഷത്തേക്കു മാത്രമാണ് ഈ പരിഗണനയെന്ന് ഉന്നത വിദ്യാഭ്യാസ വകുപ്പ് മന്ത്രി ആർ. ബിന്ദു അറിയിച്ചു. നിർദ്ദേശം മുഖ്യമന്ത്രിയുടെ ശ്രദ്ധയിലേക്ക് സമർപ്പിച്ചിരിക്കുകയാണെന്നും മന്ത്രി പറഞ്ഞു.