കുട്ടംമ്പുഴ പിണവൂർ കുടിയിൽ കാട്ടാന കിണറ്റിൽ വീണു. പിണവൂർ കുടി അമ്പലത്തിന് സമീപമുള്ള കിണറ്റിലാണ് പുലർച്ചെ ആന വീണത്.പിണവൂർ കുടി കൊട്ടാരം ഗോപാലകൃഷ്ണന്‍റെ ഉടമസ്ഥതയിലുള്ള പുരയിടത്തിലാണ് കിണർ. കൂട്ടം തെറ്റിയ കുട്ടിയാനയാണ് അപകടത്തിൽപ്പെട്ടത്.നേര്യമ​ഗംലം ഫോറസ്റ്റ് റേഞ്ചിന്റെ പരിധിയിലുള്ള പ്രദേശമാണ് ഇത്. ജനവാസ മേഖലയിൽ സ്ഥിരമായി കാട്ടാന കൂട്ടം ഇറങ്ങാറുണ്ട്.
ജെസിബിയെത്തിച്ച് ആനയെ രക്ഷപ്പെടുത്താനുള്ള ശ്രമം തുടരുന്നു . ഇത്തരത്തിൽ പ്രദേശത്ത് ആനകൾ കിണറ്റിൽ വീഴുന്നത് ഇപ്പോൾ പതിവാണ്. രക്ഷാ പ്രവർത്തനത്തിനായി ഫോറസ്റ്റ് റേഞ്ചിൽ നിന്നുള്ള ഉദ്യോ​ഗസ്ഥർ സ്ഥലത്ത് എത്തി‌യിട്ടുണ്ട്. ആനകൾ സ്ഥിരമായി ശല്യക്കാരാകുന്നതിൽ നാട്ടുകാരും പ്രതിഷേധത്തിലാണ്.