കെ സുധാകരൻ എം പി നാളെ കെ പി സി സി അധ്യക്ഷനായി ചുമതലയേൽക്കും. നാളെ രാവിലെ പത്തിന് തിരുവനന്തപുരം കിഴക്കേക്കോട്ടയിലെ ഗാന്ധി പ്രതിമയിൽ അദ്ദേഹം ഹാരാർപ്പണം നടത്തും. തുടർന്ന് പാളയം രക്തസാക്ഷി മണ്ഡപത്തിൽ ഹാരാർപ്പണം. പത്തരയോടെ കെ പി സി സി ആസ്ഥാനമായ ശാസ്തമംഗലത്തെ ഇന്ദിരാഭവനിൽ എത്തുന്ന സുധാകരന് സേവാദൾ വളണ്ടിയർമാർ ഗാർഡ് ഓഫ് ഓണർ നൽകും. ഇതിനു പിന്നാലെ സുധാകരൻ പാർട്ടി പതാകയുയർത്തും.

പതിനൊന്നോടെ കെ പി സി സി അധ്യക്ഷനായി ചുമതലയേൽക്കും. സ്ഥാനമൊഴിയുന്ന മുല്ലപ്പള്ളി രാമചന്ദ്രന്റെ വിടവാങ്ങൽ പ്രസംഗം, കെ സുധാകരന്റെ ആമുഖ പ്രസംഗം എന്നിവയാണ് മറ്റ് ചടങ്ങുകൾ.