മുട്ടിൽ മരംമുറി ഉൾപ്പെടെ പട്ടയ ഭൂമിയിൽ നടന്ന മരംകൊള്ളകൾ സംബന്ധിച്ച് സി ബി ഐ അന്വേഷിക്കണമെന്ന് ഹൈക്കോടതിയിൽ ഹരജി. ഡൽഹിയിൽ സ്ഥിരതാമസമാക്കിയ മലയാളി ഫ്രീലാൻസ് മാധ്യമ പ്രവർത്തകനാണ് ഹരജി സമർപ്പിച്ചത്.സർക്കാർ ഉത്തരവിന്റെ മറവിൽ സംസ്ഥാനത്ത് നടന്നത് 100 കോടി രൂപയുടെ മരംകൊള്ളയാണെന്ന് ഹരജിയിൽ ആരോപിച്ചിട്ടുണ്ട്.

സംസ്ഥാന ഏജൻസികൾ അന്വേഷിച്ചാൽ സത്യം പുറത്ത് വരില്ലെന്നും അതിനാൽ കേസ് സി ബി ഐക്ക് കൈമാറാൻ കോടതി ഉത്തരവിടണമെന്നുമാണ് ഹരജിക്കാരന്റെ ആവശ്യം. കേസിൽ കോടതി തീർപ്പുണ്ടാക്കുന്നത് വരെ വനംവകുപ്പ് നടത്തുന്ന അന്വേഷണം നിർത്തിവെക്കാൻ നിർദേശം നൽകണമെന്നും ഹരജിയിൽ ആവശ്യപ്പെട്ടിട്ടുണ്ട്.