ദുരിതം പെയ്തൊഴിഞ്ഞ നാടിനെ കുറിച്ച് വാചാലനായി സൂപ്പർതാരം മോഹൻലാൽ . തന്റെ ബ്ലോഗിലാണ് പ്രളയത്തെ പറ്റിയും പ്രകൃതി വിനാശത്തെ പറ്റിയും മോഹൻലാൽ മനസ് തുറന്നത്. 'കൂപ്പുകൈയോടെ ' എന്ന ശീർഷകം നൽകിയ കുറിപ്പിലാണ് നടൻ തന്റെ അഭിപ്രായങ്ങളും  വീക്ഷണവും പങ്കുവെച്ചിരിക്കുന്നത്.'വെയിൽ പരന്നു കഴിഞ്ഞതോടെ പ്രളയത്തെ നമ്മൾ മറന്നു പോയി. തൽക്കാലം നിർത്തിവെച്ച മലയിടിക്കലും പാറ പൊട്ടിക്കലും പൂർവാധികം ഉഷാറായി തുടർന്നു.കഴിഞ്ഞ പ്രളയം കഴിഞ്ഞു കൃത്യം ഒരു വർഷം ആയപ്പോൾ കൊടും മഴ പെയ്തു , തുരന്നു തുരന്നു പകുതിയായി മലകൾ ഒലിച്ചു പോയി, പാവപ്പെട്ട മനുഷ്യർ ഏതൊക്കെയോ വെള്ളപ്പാച്ചിലിൽ ഒഴുകിപ്പോയി വെള്ളക്കെട്ടിൽ വീണു മരണമടഞ്ഞു' - മോഹൻലാൽ ബ്ലോഗിൽ കുറിക്കുന്നു . ഒരു പ്രളയം കൊണ്ട് പഠിക്കാനോ കൃത്യമായി മുന്നൊരുക്കങ്ങൾ നടത്താനോ ആയില്ല എന്ന വിമർശനവും മോഹൻലാൽ ബ്ലോഗിൽ ഉന്നയിക്കുന്നുണ്ട്. പ്രകൃതിയാണ് ഏറ്റവും വലിയ ദൈവം എന്ന് തിരിച്ചെറിഞ്ഞ് കൈകൂപ്പാം എന്ന് പറഞ്ഞു കൊണ്ടാണ് നടൻ കുറിപ്പ് അവസാനിപ്പിക്കുന്നത്