ജന്മദിനവും വിവാഹവും ഇനി മെട്രോ കോച്ചില്‍ ആഘോഷിക്കാം. നോയ്ഡ മെട്രോ റെയില്‍ കോര്‍പ്പറേഷനാണ് ആഘോഷങ്ങള്‍ക്ക് വേദിയൊരുക്കുന്നത്. അതിനായി കോച്ചുകള്‍ ബുക്ക് ചെയ്യാം. മണിക്കൂറിന് 5000 രൂപമുതല്‍ 10,000 രൂപവരെമാത്രമാണ് ചെലവ്. ട്രെയിന്റെ പ്രവര്‍ത്തന സമയത്തും അല്ലാത്തപ്പോഴും ആഘോഷം സംഘടിപ്പിക്കാം. നോയ്ഡ മെട്രോ റെയിലിനും വരുമാനമാകുകകുയും അതോടൊപ്പം ആഘോഷിക്കാനൊരു പുതുമയുമാകുമിതെന്ന് മെട്രോ റെയില്‍ എക്‌സിക്യുട്ടീവ് ഡയറക്ടര്‍ പി.ഡി ഉപാധ്യായ പറഞ്ഞു. 

മെട്രോ സമയങ്ങളിലാകും ഓടുന്ന കോച്ചുകള്‍ അനുവദിക്കുക.ഓടാത്ത സമയമായ രാത്രി 11 മുതല്‍ പുലര്‍ച്ചെ രണ്ടുവരെയാകും നിര്‍ത്തിയിട്ടിരിക്കുന്ന കോച്ച് അനുവദിക്കുക. നാലു കോച്ചുവരെ ബുക്ക് ചെയ്യാം.