ഉത്തരേന്ത്യയിൽ ശീതക്കാറ്റ് തുടരുന്നു. കാഴ്ച്ച പരിധി കുറഞ്ഞതു കാരണം രാജസ്ഥാനിൽ ബസും കാറും കൂട്ടിയിടിച്ച് രണ്ട് പേർ മരിച്ചു. ജയ്‌സാൽമീർ -ജോധ്പൂർ നാഷണൽ ഹൈവേയിലാണ് അപകടം.

നിരവധി വിമാനങ്ങൾ വൈകിയാണ് ഇന്നും സർവീസ് നടത്തുന്നത്. ഉത്തരേന്ത്യയിലൂടെ ഓടുന്ന 34 തീവണ്ടികൾ വൈകുന്നതായി റെയിൽവേ അറിയിച്ചു. ഡൽഹിയിൽ ഇന്ന് രാവിലെ കുറഞ്ഞ താപനില 3 ഡിഗ്രി സെൽഷ്യസ് രേഖപ്പെടുത്തി. മൂടൽമഞ്ഞിനെ തുടർന്ന് അവതാളത്തിലായ ഡൽഹി വിമാനത്താവളത്തിന്റെ പ്രവർത്തനം സാധാരണ നിലയിലെത്തി. കാറ്റിന്റെ ഗതി മാറുന്നതിനാൽ അതിശൈത്യത്തിന് നാളെ മുതൽ ആശ്വാസമുണ്ടാകുമെന്ന് കാലാവസ്ഥ നിരീക്ഷണ കേന്ദ്രം അറിയിച്ചു.