സമൂഹമാധ്യമങ്ങളിൽ വൈറലായ വാ​​ഗ്ദാനം പാലക്കാടുള്ള ബാറുടമയെ വെട്ടിലാക്കി. 499 രൂപ നൽകിയാൽ ഞായറാഴ്ച വയറുനിറയെ ബിയറും ഭക്ഷണവും കഴിക്കാമെന്നായിരുന്നു വാ​ഗ്ദാനം. സംഭവം കണ്ടവർ ഷെയർ ചെയ്തു. വാ​ഗ്ദാനം വൈറലായി. ഫോൺ വിളി കൂടിയപ്പോൾ ഒരു കൂപ്പണിൽ ഒരാൾക്ക് മാത്രമേ പ്രവേശനമുള്ളൂ എന്നായി ബാറുടമയുടെ നിലപാട്.  ഇത് എക്സൈസിന്റെ ശ്രദ്ധയിൽപ്പെട്ടു. ഇതോടെ മദ്യമുൾപ്പെടെ ലഹരിമരുന്നുകളുടെ പരസ്യം തടയുന്ന നിയമമനുസരിച്ച് ബാറുമടയ്ക്കെതിരെ എക്സൈസ് കേസെടുത്തു. കാൽലക്ഷം രൂപവരെ പിഴ ലഭിക്കാവുന്ന കേസാണിതെന്ന് എക്സൈസ് അധികൃതർ വ്യക്തമാക്കി.